Puertu de Rijeka | |
---|---|
puertu | |
Llocalización | |
País | Croacia |
Condado (es) | Condáu de Primorje-Gorski Kotar |
Ciudad (es) | Rijeka |
Masa d'agua | Mar Adriáticu |
Coordenaes | 45°19′32″N 14°26′21″E / 45.32552°N 14.43926°E |
Web oficial | |
El Puertu de Rijeka (croata: Luka Rijeka) ye un puertu marítimu allugáu en Rijeka, Croacia, a veres del golfu del Quarnero nel mar Adriáticu. Los primeros rexistros del puertu daten de 1281. Foi'l puertu principal del Reinu d'Hungría nel sieglu XIX y entamos del sieglu XX, de Yugoslavia dende la Segunda Guerra Mundial hasta 1991 y de Croacia dende la so independencia. Anguaño, ye'l puertu más grande de Croacia con un rendimientu de carga de 10,2 millones de tonelaes (2010), sobremanera de petroleu, carga xeneral y carga a granel, y 137.048 TEUs. En 2008, el puertu de Rijeka rexistró 4.376 llegaes de buques. Ye alministráu pola Autoridá portuaria de Rijeka.
En 2011, Luka Rijeka, un concesionariu del puertu de Rijeka robló un contratu d'asociación estratéxica con International Container Terminal Services Inc. (ICTSI) y con Jadranska vrata, el segundu concesionariu del puertu, pa operar el terminal de contenedores. L'asociación tien como oxetivu ampliar la capacidá del terminal a 600.000 TEUs. El plan maestru de desenvolvimientu, ellaboráu pol Grupu Marítimu Rotterdam, especifica una espansión de les instalaciones portuaries pa 2030, incluyendo la construcción d'un gran terminal de contenedores en Omišalj na isla Krk. El tercer concesionariu ye Jadranski naftovod (JANAF), qu'opera un depósitu de petroleu en Omišalj.